Францускиот претседател Франсоа Оланд го повика денеска американскиот државен секретар Џон Кери да ги пронајдат заедно „потребните одговори“ за џихадистичките напади во Франција минатата недела.
– Вие исто така бевте цел на терористички напад на 11 септември 2001 година. Треба заедно да ги пронајдеме неопходните одговори. Тоа е смислата на нашата денешна средба, рече Оланд.
– Сочувствуваме со маката на францускиот народ. Сочувството на американскиот народ е мошне искрено, изјави Кери, кој пристигна во Париз за да им оддаде почит на 17-мината загинати во нападите.
– Ве набљудувавме како Вие и надлежните тимови мошне елегантно и стручно ги водевте операциите. Го набљудуваме исто така и францускиот народ, кој се обедини, како важен пример за целиот свет. Со приврзаност кон слободата и идеалите Франција испрати порака до целиот свет. Нашите срца се со вашите и јас сакам лично да го споделам ова мислење, посочи Кери.