Одземена лиценцата за работа на независната руска телевизија „Дожд“ во Летонија

Од:

Летонските власти денеска соопштија дека „поради прекршувања“ и ја одземале дозволата за емитување на независната руска ТВ станица „Дожд“, која е во егзил во оваа балтичка земја од почетокот на војната во Украина.

Телевизијата „Дожд“ соопшти дека одлуката е „неправедна и апсурдна“.

Летонскиот Национален совет за електронски медиуми во петокот ја казни оваа телевизија со 10.000 евра за емитување на мапа на која се прикажува црноморскиот полуостров Крим, анектиран од Москва, како дел од Русија.

„Каналот ќе престане да се емитува на 8 декември“, јави на Твитер шефот на Наци оналниот совет за електронски медиуми, Иварс Аболинс.

„Летонските закони мора да ги почитуваат сите“, додаде тој на социјалната мрежа.

Летонската агенција ЛЕТА пренесе дека руската телевизиска станица, исто така, е обвинета за поддршка на руската војска и дека не обезбедувала превод на летонски јазик.

На одлуката на летонското регулаторно тело е дозволена жалба.

„Каналот останува на ЈуТјуб (YouTube). Ние продолжуваме да работиме и сметаме дека овие обвинувања се нефер и апсурдни“, соопшти ТВ „Дожд“ на Твитер.

Извор: МИА

Би можело да ве интересира

Захарова: Русија и испрати предупредување на Летонија пред тужба за дискриминација на Русите

Поради доаѓањето на Лавров, Естонија, Летонија и Литванија го откажаа учеството на Самитот во Скопјхе

A1on

Балтичките земји ги затворија границите за сите руски автомобили

Летонија го доби првиот геј претседател

Русија му наложи на амбасадорот на Летонија да ја напушти земјата во рок од две недели

Летонија ја продолжи вонредната состојба на границата со Белорусија