Кина денеска соопшти дека планираните разговори во областа на безбедноста со САД се одложени на американско барање.
Двете земји спорат околу трговските односи, како и за статусот на Тајван и пловидбата во Јужното Кинеско Море.
Портпаролката на кинеското Министерство за надворешни работи Хуа Чунин изјави дека двете страни се договориле овие разговори да ги продолжат во октомври.
– САД неодамна изразија желба за дијалог и ние ќе останеме во контакт, изјави Хуа.
Од кинеска страна било информирано дека не се задоволни од амерканските санкции кон нејзини офицери, како и поради доставувањето на оружје за армијата на Тајван.