Американскиот претседател Барак Обама соопшти дека САД ќе достават дополнителни 200 милиони долари хуманитарна помош за да им помогнат на жителите во таа држава кои се принудени да побегнат од домовите заради напредувањето на исламска држава.
За време на средба со ирачкиот премиер Хајдер ал Абади во Белата куќа, Обама нагласи дека ирачки семејства и ирачки деца страдаат заради акциите на ИД и оти САД се должни да помогнат.
Обама додаде дека Ирак и предводената од САД коалиција, која нанесува удари врз ИД, успеале да вратат околу една четвртина од територијата на Ирак заземена лани од исламистите.