Јавното обвинителство на Париз отвори истрага по повикот на тројца припадници на Исламска држава кои во видео порака ги повикуваат француските муслимани на џихад и да им се приклучат.
Истрагата за оваа видео снимка долга седум минути, на која француските џихадисти ги повикуваат нивните сонародници да им се приклучат и е доверена на Дирекцијата за внатрешна безбедност.
Снимката беше објавена на специјализираните џихадистички форуми на интернет, на која се гледа како тие ги горат нивните француски пасоши.
Претходно јавното обвинителство во Париз отвори истрага за вклученост на француски државјани во масовно убиство на заложници во Сирија, објавена во неделата.