Аеродромските власти во Мадрид објавија тревога по барање на капетан на авион на саудиската авиокомпанија „Сауди Ерлајнс“, кој требало да полета кон Ријад.
– Општата тревога значи дека безбедносните сили и спасувачките служби се мобилизирани. Авионот е изолиран, а патниците се евакуирани, изјави портпарол на аеродромот Барахас во Мадрид.
Шпанскиот авио оператор „Аена“ потврди дека постоела закана на летот SVA226.
Според наводите на полицијата, тревогата на аеродромот е прогласена откако е пронајдена порака, која со нож била закачена на ѕидот од тоалетот на авионот и на која на англиски јазик пишувало; „закана од бомба“.