Американците мора да бидат внимателни во одбрана на демократијата или ризикуваат да тргнат на патот кон нацистичка Германија од 30тите години од минатиот век, предупреди поранешниот американски претседател Барак Обама.
Тој во неговиот говор одржан во Економскиот клуб во Чикаго изјави дека нештата може брзо да се распаднат доколку Американците не се грижат за демократската иднина.
Обама укажа на искачувањето на Хитлер на власт во Германија и побара од граѓаните да обрнат внимание на политичките случувања и да излегуваат на гласање.
Тој застана и во одбрана на медиумите бидејќи слободата на медиумите е од витална важност за демократијата.