Новиот генерален директор на Светската здравствена организација (СЗО), Тедрос Адханом, денеска го презеде управувањето со оваа меѓународна здравствена организација, соопшти СЗО, а пренесоа француските медиуми.
Специјалистот за маларија, Адханом, досега ги извршувал и функциите министер за здравство и за надворешни работи на Етиопија.
Овој 52-годишен здравствен експерт е првиот Африканец на чело на СЗО, а должноста ја презеде од Маргарет Чен од Кина, која оваа организација ја предводеше речиси десет години.
Адханом беше избран во мај меѓу многубројни кандидати.
СЗО, чие седиште е во Женева, има 8.000 вработени низ цел свет.