Уште една дојава за бомба во Москва. По болницата во која беа евакуирани повредените во терористичкиот напад, дојавата за експлозивната направа стигна и до трговскиот и забавниот центар Мозаик.
Според агенцијата РИА Новости, посетителите и персоналот на трговскиот и забавниот центар лоциран во југоисточниот дел на Москва се евакуирани поради анонимна закана од експлозивна направа.
Претставник на московската служба за итни случаи изјавил за агенцијата дека во трговскиот центар Мозаик на улица Кожуховскаја, зграда 9, пристигнал анонимен повик со закана за бомба.
Според него, при безбедносната проверка сите посетители и персоналот биле евакуирани од зградата.
Само неколку часа пред тоа дојава за бомбата стигна и во болницата каде се лекуваат повредените во терористичкиот напад на концертната сала во Москва, кој се случи на 22 март. Како што се наведува на социјалните мрежи, од болницата се евакуирани 700 лица.