Нов Зеланд соопшти дека подготвува резолуција на Обединетите нации, чија цел е обнова на преговорите меѓу Израел и Палестинците.
Претходните обиди да се постигне мировна спогодба пропаднаа во април минатата година, по девет месеци тензични разговори, а разликите меѓу ставовите на двете страни се повеќе се зголемуваа.
Мировниот процес почна уште пред две децении, главен посредник беа САД, но решение се уште не е постигнато.
Амбасадорот на Нов Зеланд во ОН, Џим Меклеј изјави синоќа во Советот за безбедност дека дошол часот ова најмоќно тело на ОН да го употреби својот морален и правен авторитет за да ги поттине продуктивните преговори.
– Нов Зеланд работи на текстот на резолуцијата со цел да се постигне тоа, нагласи тој и додаде дека Франција исто така работи на резолуција, со која би се одредиле параметрите на мировната спогодба.