Пред Суд во Неапол денеска се одржа судски процес против поранешниот италијански премиер Силвио Белускони под обвинение за подмитување на сенатор.
Станува збор за случај по парламентарните избори во 2006 година, на кои левата коалиција на Романо Проди освои само неколку гласа повеќе од блокот на Берлускони и обезбеди мнозинство во Сенатот. Меѓутоа, неколку месеци по изборите, еден од сенаторите на левицата премина во коалицијата на Берлускони, што доведе до пад на Владата на Проди.
Обвинителството го товари Берлускони дека му дал три милиони евра на сенаторот „бегалец“, со цел да премине во неговиот блок. Обвинението се темели на изјави на сенаторот кој тврди дека добил три милион евра од Берлускови од кои два милиони во готово.
Продолжението на овој судски процес против Берлускони е закажано за 29 септември.