Во Виена зад затворени врати почна нов состанок меѓу Иран и Меѓународната агенција за атомска енергија (МААЕ) околу нуклеарната програма на Техеран.
– Разликите остануваат, но одлучни сме да ги решиме овие прашања, изјави заменикот генерален дикретор на МААЕ Херман Накертс пред почетокот на состанокот, кој се одржува во дипломатската мисија на Иран во главниот град на Австрија.
Главна тема на состанокот е барањето на МААЕ да се обезбеди пристап до сите постројки, документи и научници кои се вклучени во иранската нуклеарна програма.
МААЕ во своите извештаи тврди дека постојат цврсти докази дека до 2003 година, а може и подоцна, иранските научници работеле на истражувања со цел за развој на нуклеарно оружје.
Иран ги отфрла ваквите тврдења, нагласувајќи дека се базираат на податоци на странски разузнавачки служби како што се ЦИА и израелски Мосад.