Базата на американските сили во Ирак вчера повторно била нападната со дрон, соопштија безбедносни извори во Ирак, а Пентагон соопшти дека не може да го потврди тоа. Ова е петти напад врз американски и странски сили во Ирак во последните четири дена, бидејќи вооружените групи блиски до Иран ги загрозуваат американските интереси поради поддршката на Вашингтон за Израел, на чија територија исламистичкото движење Хамас изврши напад од невидени размери на 7 октомври.
Во нападот нема жртви, а групата наречена „Исламски отпор во Ирак“ ја презеде одговорноста за него преку каналите на Телеграм, блиски до шиитските милиции лојални на Иран.
-Дронот падна во базата на Аин ал Асад, на запад од Ирак, каде што се стационирани американските и меѓународните сили, изјави за АФП извор од ирачката армија, кој сакаше да остане анонимен.