Никарагва ги призна четирите украински територии како дел од Русија

Од:

Владата на Никарагва ги признава териториите на регионите Луганск, Донецк, Запорожје и Херсон како дел од Русија, изјави денес претседателот на таа земја, Даниел Ортега, во писмо до рускиот претседател Владимир Путин.

„Драг претседателе Путин, драги браќа и другари, од благословената и секогаш слободна Никарагва, ви ги испраќаме нашите најтопли и братски поздрави и почитта и наклонетоста на никарагванскиот народ… Во име на владата и народот на Никарагва, ја изразуваме нашата целосна поддршка и целосно признавање на регионите Донецк, Херсон, Луганск и Запорожје како составен дел од територијата на Руската Федерација“, напиша Ортега во писмото, објави дигиталниот El 19.

Тој изјави дека „испраќа порака за поддршка и солидарност до другарот Владимир Путин, во светлината на херојската битка што неговиот народ и влада ја водат против украинскиот неонацизам, кој е поддржан од НАТО“.

„Победата на Русија е победа на човештвото. Руската Федерација ја спроведува оваа специјална воена операција во одбрана на животите на својот народ, во одбрана на легитимните територии на Русија, во одбрана на својот суверенитет и територијален интегритет“, напиша Ортега.

Би можело да ве интересира

Се урна украински МИГ-29, загина пилотот

Горан Наумовски

Путин: Односите со САД се лоши, но поради Трамп има светлина на крајот од тунелот

Трамп: Путин сака да дојде на Светското првенство, погледнете, ми испрати слика

Предраг Петровиќ

Лукашенко: Путин се спротивстави на напад со „орешник“ врз Зеленски

Лавров: Не се планира средба Путин-Зеленски

Ројтерс: Ова се новите услови на Путин за мир во Украина

Предраг Петровиќ