Израелскиот премиер Бенјамин Нетанјаху на средбата со високата претставничка на Европската унија за надворешна политика и безбедност Федерика Могерини изјави дека е посветен на визијата за две држави за два народа.
– Ја поддржувам визијата на две држави за два народи – демилитаризирана палестинска држава која ја признава еврејската држава, истакна Нетанјаху.
Тој додаде дека е посветен на мирот и оти сака да биде ставен крај на судирите.
Израелските медиуми објавија дека Нетанјаху првпат дава изјава за две држави за два народа по минатонеделната инагурација на својата нова десничарска Влада.
Израелскиот посочи дека Израел во последните неколку месеци презел чекори за олеснување на секојдневниот живот на Палестинците и оти планира и дополнителни мерки.
Могерини денеска во Рамалах се сретна и со палестинскиот претседател Махмуд Абас.