Израелскиот премиер Бенјамин Нетанјаху го обвини палестинскиот претседател Махмуд Абас дека „поттикнува пламени“ од најновото насилство.
Вечерва, на прес-конференцијата со генералниот секретар на Обединетите нации Бан Ки-мун во Ерусалим нетанјаху посочи кон Абас како разгорувач на најновото насилство меѓу Израелците и Палестинците.
– Претседателот Абас не осуди ниту еден од 30 терористички напади врз Израелците за време на изминатиот месец и продолжува да ги велича терористите како херои, истакна Нетанјаху.
Бан допатува во ненајавена посета на регионот и повика на смирување на ситуацијата и побара да се стави крај на насилството во кое се убиени десетмина Израелци, 43 Палестинци и еден емигрант од Еритреја.