Најмалку пет лица се повредени кога автомобил се забил во слаткарница на плоштад во градот Фридрихштат, во северната германска покраина Шлезвиг-Холштајн, објави телевизијата RTL.
Според прелиминарните информации, возачот, кој е на околу 70 години, ја изгубил контролата и се забил во слаткарницата од непозната причина, веројатно поради медицинска состојба.
Ниту еден од повредените не е во критична состојба.
Полицијата во моментов го нарекува инцидентот „несреќа“.
