Повеќе веб портали на француските национални медиуми, како неделниците „Експрес“ и „Маријан“, потоа дневните весници „Паризиен“ и „20 Минут“, интернет весникот „Медиапар“ и радиото „Франс Инфо“, се недостапни, јави дописникот на МИА од Париз.
Причината за недостапноста, според нивниот провајдер „Оксалид“, се должи на инцидент и барем засега не се поврзува со претходните напади на исламистичките хакери, кои изминативе денови блокираа повеќе веб страници на мали француски претпријатија и општини, објавувајќи страници со исламска содржина неместо вообичаените.