Пакети на хуманитарната помош за Газа убиле најмалку пет лица, а 10 се повредени, откако не се отворил падобранот со кој требало безбедно да се спуштат во близина на кампот за бегалци Ал-Шати.
Палетата со производи за помош на бегалците паднала врз група на луѓе кои се надевале што побрзо да дојдат до храна. Еден од падобраните со кои требало да се спушти палетата не се отворил.
Очевидците велат дека се се случило многу брзо и дека за кратко време биле изнесувани повредени и мртви луѓе од местото на настанот.
САД и Јордан се меѓу земјите кои доставуваат помош во Газа по воздушен пат, но и едните и другите велат дека палетата не е од нивната понуда.