Навални повторно обвинет за екстремизам

Од:

Рускиот опозициски лидер Алексеј Навални и неколку негови блиски соработници повторно се обвинети за екстремизам и може да добијат долгогодишни затворски казни, објавија денеска руските обвинители.

Според Истражниот комитет, кој спроведува големи кривични истраги во Русија, Навални и неговите соработници се обвинети за „основање и водење екстремистичка организација“, која повикува на „промена на власта со насилство“ од 2014 до 2021 година.

Организациите на Навални во јуни беа забранети поради екстремизам, пред изборите на 19 септември.

Партијата Единствена Русија на Путин победи на изборите, а на радикалната опозиција не и беше дозволено да учествува.

Цел на новата кривична истрага се двајцата најблиски соработници на Навални, Иван Жданов и Леонид Волков, кои со месеци живеат во егзил, како и многу други противници на Путин.

Предмет на истрагата е и Љубов Собол, уште една од соработничките на Навални.

Доколку бидат осудени, Навални, Жданов и Волков се соочуваат со затворска казна од шест до 10 години, а другите како Собол од две до шест години.

Би можело да ве интересира

Србинот Лукиќ нов селектор на руските кошаркари

А1он

Приштина прогласи за „персона нон грата“ двајца руски дипломати

А1он

Руски боксер уби мечка која го нападна , но заврши со тешки повреди во критична состојба

Во пожар во Русија загинаа 16 лица

Ана Ололовска

Путин: Ако Русија ги напушти Советот на Европа или ОБСЕ, би можеле да следат и други земји

А1он

Русија ја идентификуваше новата варијанта на коронавирусот, која е позаразна од Делта

А1он