Следниот месец НАТО времено ќе ја премести Командата на здружените сојузнички сили од Италија во Цинцу, централниот дел на Романија, изјави денеска врховниот командант на Алијансата, адмирал Марк Фергусон.
Командата ќе биде преместена 12 дена во јуни со цел да помогне во воените вежби на НАТО, во кои учествуваат илјада војници од 21 држава-членка на Алијансата.
Цинцу е најголем воен полигон во Романија и се наоѓа на околу 180 километри северозападно од Букурешт.
– Тоа ќе биде првпат седиштето на Командата на здружените сили на НАТО да се наоѓа во Романија, истакна Фергусон.
НАТО, истовремено, ќе спроведува маневри во Полска, балтичките земји и во Балтичкото Море.