Врховниот командант на силите на НАТО во Европа, Филип Бридлав денеска изјави оти при навлегувањето на руските воени авиони и ловци во европскиот воздушен простор примениле „поголеми, покомплексни летачки формации“ и дека авионите летале „на попровокативни рути од вообичаено“.
Тој на прес-конференцијата во Пентагон посочи дека претходно еден или два руски авиони го нарушувале европскиот воздушен простор.
Бридлав наведе дека намерата на таквите акции на руското воено воздухопловство е да му покаже на Западот дека Русија е голема сила.
– Мое мислење е дека тие со тоа ни испраќаат порака. Порачуваат дека се голема сила. Летовите на руските авиони во европскиот воздушен простор претстaвуваат причина за загриженост и не придонесуваат за сигурна и стабилна ситуација, истакна Бридлав.
Според податоците на НАТО во 2014 година имало повеќе од стотина пресретнувања на руската авијација, што е приближно трипати повеќе од минатата година.