Израелскиот премиер Бенјамин Нетанјаху изјави дека палестинското барање за стекнување статус на земја нечленка набљудувач во Обединетите нации нема да го забрза палестинското барање на статусот призната држава.
-Палестина не може да добие статус на држава во ОН се додека претходно не го признае Израел како “еврејска татковина“, додека не ги запре судирите со еврејската земја, и додека не ги прифати договорите за заштита и сигурност на Израел, порача Нетанјаху.
Генералното собрание на ОН на денешната седница ќе расправа и гласа за палестинското барање за стекнување статус на нечленка набљудувач, што во многу нешто ќе го одреди натамошниот тек на случувањата на Блискиот исток.