Наставата е откажана во училиштата во Мексико поради активноста на вулканот Попокатепетл

Од:

Властите во Мексико ја откажаа наставата во училиштата за повеќе од 100.000 ученици во неколку градови лоцирани во близина на вулканот Попокатепетл, чија активност е засилена во последните денови.

Наставата беше прекината во јавните и приватните училишта на сите нивоа во 22 града поради релативно мали, но силни ерупции што доведоа до паѓање на пепел, пренесува Ројтерс.

Учениците привремено ќе ја следат наставата онлајн бидејќи пепелта и гасовите исфрлени од ерупциите можат да бидат штетни, а во најлош случај може да доведат до масовна евакуација на населението.

Училиштата во главниот град останаа отворени, но властите препорачаа да се избегнуваат активности на отворено.

Мексиканскиот центар за превенција од катастрофи го задржа жолтото ниво на тревога, што укажува на умерен ризик.

Попокатепетл е висок 5.426 метри и е вториот највисок вулкан во Мексико.

Се наоѓа на 72 километри југоисточно од мексиканската престолнина, а околу 25 милиони луѓе живеат во зона од 100 километри од кратерот.

Би можело да ве интересира

Еруптира вулкан на Филипините: Училиштата затворени, издадено предупредување за авиони

Границата на САД и Мексико е најопасниот премин на светот: Стотици мртви и исчезнати

Новинар убиен на плажа: Директорот на мексикански портал е втора жртва од медиумите во таа земја за седум дена

Терористички напад во Мексико, загинаа и деца: „Тоа е нешто што досега не сме го виделе овде“

Напад на банда во Мексико, тројца безбедносни службеници убиени со експлозив

Горан Наумовски

ВИДЕО: Се запали платформа за нафта во Мексико, двајца мртви