Американската свемирска агенција НАСА, е подготвена на доброволци кои што 70 дена ќе успеат да лежат во кревет, со подигнати стапала над нивото на главата, да им плати околу 5.000 долари.
Се ова е во рамките на истражувањето кое има за цел да утврди на кој начин микрогравитацијата влијае на телото, во текот на вселенскиот лет.
За време на експериментот, доброволците ќе имаат пристап на интернет, ќе може да играат компјутерски игри, да читаат, гледаат телевизија и да примаат посета.
Единствено што им е забрането е да стануваат од креветот, во кој ќе можат дури и да се тушираат, а храната која што ќе ја добиваат ќе биде специјално подготвена, така што телесната тежина во текот на истражувањето треба да им остане непроменета.
Учесниците може да станат кога ќе дојдат научниците за да утврдат дали има некои промени на нивните коски, мускули, крвоток, органите за варење и имунитетот. Во рамките на студијата се предвидени и специјални вежби т.н тестирање на реакциите и функциите, кои исто така се изведуваат во кревет.
Експериментот се спроведува во Вселенскиот центар, Џонсон во Хјустон и во моментот веќе е во тек подготвителната фаза, во која испитаниците две недели извршуваат секојдневни активности, додека научниците следат како се однесуваат нивните тела во нормални околности.
Елена Георгиевска