Ирачките сили за безбедност елиминираа 48 борци на Исламска држава во вчерашната операција во неколку квартови во Киркук, изјави денеска бригадниот генерал Хатаб Омер Ареф,
– Во борбите загинаа 48 терористи од ИД, Некои од нив се самоубија кога беа притиснати од безбедносните сили, посочи Ареф.
Во операцијата против џихадистите загинале 46 лица, од кои повеќето членови на силите за безбедност, а 133 лица се повредени.
Не е јасно колку борци учествувале во офанзивата, која најверојатно имаше за цел да го одвлече вниманието од Мосул, кој е под контрола на ИД и каде што ирачките сили спроведуваат голема офанзива.