Најмалку 24 лица загинаа рано изутринава во пожар во центар за рехабилитација на зависници од дрога во азербејџанскиот главен град Баку, соопшти Јавното обвинителство на Азербејџан.
Сите загинати биле штитеници на центарот, кои не можеле да избегаат од огнот затоа што биле врзани за креветите во кои спиеле.
Претходно, претставници на азербејџанските министерства за задравство и за вонредни состојби информираа дека се стравува оти во пожарот животите ги загубиле меѓу 25 и 30 лица.
Локалните медиуми јавија дека од опожарената еднокатна дрвена градба успеале да спасат 34 лица, од кои три се пренесени в болница.
Причините за пожарот засега не се официјално познати, но се претпоставува дека огнот избувнал поради дефект во електричната инсталација.
На местото на пожарот, кој бил изгаснат по интервенција на противпожарната служба, утрово пристигна и азербејџанскиот претседател Илхам Алиев.
Во мај 2015 година во пожар во повеќекатница во предградие на Баку загинаа 15 луѓе, а во огненна стихија во градското метро во 1995 година животите ги загубија 289 лица.