Најмалку 13 загинати во судирите во главниот град на Либија

Од:

Најмалку 13 цивили загинаа во судирите што избија синоќа во главниот град на Либија меѓу силите кои поддржуваат две ривалски администрации.

dobivaj vesti na viber

Во политичката пресметка се ранети 95 лица, соопшти Министерството за здравство. Се додава дека 64 семејства биле евакуирани од областа околу борбите.

Портпаролот на итната служба Малек Мерсет изјави дека бројот на загинати би можел да биде поголем бидејќи службите за итни случаи не можеле да стигнат до многу области поради конфликтот.

Мерсет рече дека многу цивили биле ранети во судирите што избувнаа во текот на ноќта.

Тој рече дека службите за итни случаи сè уште се обидуваат да ги евакуираат ранетите и цивилите заробени во борбите.

Општинскиот совет на Триполи ја обвини владејачката политичка класа за влошувањето на ситуацијата во главниот град и ја повика меѓународната заедница „да ги заштити цивилите во Либија“.

Мисијата на ОН во Либија соопшти дека е „длабоко загрижена“ поради борбите, кои вклучија „недискриминирачко средно и тешко гранатирање на области населени со цивили“ во Триполи.

Мисијата повика на итен прекин на огнот и сите страни во Либија „да се воздржат од употреба на каква било форма на говор на омраза и поттикнување насилство“.

Во судирите се спротивставија силите на Револуционерната бригада на Триполи, предводена од Хајтам Таџури, против силите кои се во сојуз со Абдел-Гани ал-Кикли.

Извор: МИА

Би можело да ве интересира

Либанските штедачи насила си ги земаат заробените пари од банките

Турција и Либија потпишаа енергетски договор, Грција и Египет го оспоруваат

Катерина Павлова-Николовска

Улични борби во Триполи

ОН го осудија упадот на демонстрантите во парламентот на Либија во Тобрук

Ана Ололовска

Демонстранти упаднаа во зградата на либискиот парламент во Тобрук

Ана Ололовска

Бродот „Оушн Викинг“ спаси 158 мигранти во Медитеранот

Ана Ололовска