Повеќе од 1.000 лица беа евакуирани, како превентивна мерка, од реонот на активниот вулкан Чапарастик во источниот дел на Салвадор.
Околу 1.400 луѓе уште од неделата почнаа да ги напуштаат своите домови поради активирање на вулканот, кој се наоѓа на 140 километри источно од главниот град Сан Салвадор. Цивилната заштита прогласи тревога за целата општина Сан Мигел.
Вулканот Чапарастик во последните шест месеци двапати еруптираше, но не предизвика човечки жртви.
Министерот за животна средина на оваа централноамериканска држава, Ернан Чавес изјави дека во моментот активноста на вулканот е поголема отколку претходно.