Повеќе од 30 лица – демонстранти и еден фоторепортер уапсила денеска азербејџанската полиција додека трае Евровизијата во Баку.
Митингот се одржал на преполното шеталиште долж Каспиското Море организиран од опозициската алијанса Јавна комора и главните опозициски партии.
Демонстрантите извикувале „Слобода!“, но не носеле пароли.
Целта на протестите е да се привле вниманието на јавноста додека трае меѓународниот натпревар и да се актуелизира прашањето за човековите права и политичките затворенци во Азербејџан.