Европската комисија соопшти дека и се потребни дополнителни девет милијарди евра за буџетот на ЕУ до крајот на 2012-та година за да може да ги исполни своите обврски.
Комисијата го усвои ревидираниот буџет за оваа година кој треба да го одобрат Европскиот парламент и лидерите на 27 европски земји.
ЕУ наведе дека околу третина од парите можат да се добијат од разни даноци, но дека 5.9 милијарди евра мораат да обезбедат земјите членки, а некои од нив имаат проблеми и со сопствените буџети поради финансиската криза.
Претседателот на ЕК, Баросо рече дека парите се потребни за продолжување на финансирањето на меѓународните студенти и сирпмашните области во ЕУ.
„Овие програми се неопходни да се поттикне растот и да се отворат нови работни места“, додаде тој.