Надворешнополитичката сила на ЕУ непрестано се намалува, бидејќи и недостасува одлучност, оценија учесниците на денешната дискусија на тема „Постои ли европска надворешна политика во иднина“.
Дискусијата се одржа во организација на Европскиот совет за надворешни односи, во Виена.
Професорот од универзитетот Колумбија, Марк Лила укажа дека повлекувањето на австриските војници од мировната мисија во ОН е еден пример за недостаток на одлучност.
Поранешниот политичар од редовите во Турската владејачка АКП, Суат Киниклиоглу додаде дека Унијата во 2006 година беше најважна поттикнувачка сила за социјалните и општествените реформи во Турција, додавајќи дека тоа сега е минато.
Киниклиоглу истакна дека Турција, како држава членка очекуваше да се водат разговори како помеѓу два партнера.
-Но, се случи сосема неочекуваното. Денес ЕУ веќе нема интелектуален монопол над нас- нагласи тој.
Елена Георгиевска