Министерството за надворешни работи на Русија денеска соопшти дека во Сирија престојуваат руски воени есперти, што претставува прва официјална потврда од страна на Москва дека руски воени лице се наоѓаат на сириска територија.
Според портпаролката на Министерството, Марија Захарова, руските експерти помагаат при испораката на оружјето во Сирија, кое, според Москва, има за цел да им помогне на сириските владини сили во борбата против тероризамот.
Ваквото признание од Москва доаѓа во време на се почести шпекулации дека Русија би можела да го засили своето воено присуство во Сирија.
На признанието на Москва, реагираа САД и НАТО, кои изразија загриженост поради присуството на руски воени експерти во Сирија.