Ги повикуваме нашите партнери, со чии напори во голема мера се одржува на власт актуелниот режим во Украина, да покажат разумност и да издејствуваат кај своите украински штитеници прекин на постојаните провокции и исполнување на обврските во согласност со договорот од Минск, се наведува во соопштението објавено на страната на руското министерство за надворешни работи.
-Обидите да се дестабилизира ситуацијата на рускиот Крим се осудени на пропаст. Ние целосно ја обезбедуваме стабилноста и безбедноста на Република Крим, се наведува во соопштението.
Од таму го предупредуваат Киев и неговите странски советници дека штетата нанесена на руска страна и убиство на руски војници нема да остане без последици. Играњето со оган, нема да биде на добро, пишува во документот.
Русија ги повикува партнерите да влијаат на Киев и да го предупредат на опасните чекори кои можат да имаат најнегативни последици.
-Повеќе пати им обрнувавме внимание на нашите пертнери дека сегашната власт во Киев во суштина не е заинтересирана за пронаоѓање на мирно решение за проблемите во Украина, и дека не е подготвена за изнаоѓање компромис, туку проблемите сака да ги реши со употреба на сила, а сега и со тероризам, пишуваат од министерството.