Оставка од рускиот претседател, побараа денеска учесниците на протестот „Марш на милионите“.
На протестот на кој учествуваа повеќе од 100 илјади луѓе од цела Русија, е усвоен манифест „Слободна Русија“. Полицијата пак изброја одвај 500 протестанти.
Побарано е и носење на нова изборна регулатива, со која би се ограничиле надлежностите на претседателот на државата и бројот на неговите мандати.
Опозицијата најави дека наредната недела ќе се договори кога и како ќе се обедини опозицијата.
„Жестоките дискусии се нормални во една слободна демократска земја, но се што и штети на државата и го дели општеството е неприфатливо“, го оцени протестот, претседателот Владимир Путин.