Египетскиот претседател Мохамед Морси сериозно размислува за предавање целосна контрола на војската над немирниот град Порт Саид по крвавите улични немири поради прекумерната сила употребана од полицијата, јавија египетски високи функционери.
Мохамед Морси одржа средба со шефот на безбедносните сили и воениот врв, со кои е разговарано од градот да биде повлечена полицијата, а да бидат ангажирани војници со цел да бидат запрени насилствата кои траат веќе три дена.
Во последниот бран немири и насилства во Порт Саид, што избувнаа во неделата, загинаа најмалку три цивили и тројца полицајци, а повредени се над стотина лица.
– Претседателството ја разгледува ваквата можност по зголемувањето на тензичните односи меѓу безбедносниот апарат и жителите на градот, изјави неименуван висок службеник.
Египетските власти веруваат дека доколку се ангажира војската нема да има судири со демонстрантите.