Египетскиот претседател Мохамед Морси издаде нов указ со кој на армијата и се дава право да приведува цивили за да ја гарантира безбедноста во државата во пресрет на референдумот на 15 декември за новиот египетски устав.
Указот беше даден и пред протестите закажани за утре на опозицијата против референдумот. Утре ќе бидат организирани и протести на приврзаниците на Морси.
Според указот, армијата ќе соработува со полицијата при гарантирањето на безбедноста. Истовремено, Морси го укина и планираното зголемување на акцизите врз цементот, челикот, пивото и цигарите.