Млада Израелка се спасила од масакрот криејќи се под тела седум часа

Од:

Млада Израелка која била на рејв фестивал во близина на границата со Газа кога припадниците на Хамас почнале да се инфилтрираат на забавата, успеала да преживее криејќи се седум часа под телата на загинатите во нападот.

Ли Саси присуствуваше на фестивал кој привлече околу 3.000 луѓе, главно млади Израелци, кога Хамас го започна својот ненадеен напад во саботата наутро, принувувајќи ги присутните да трчаат за да си ги спасат животите.

Саси и околу 35 други се засолниле во засолниште за бомби кога ги откриле борците на Хамас, кои почнале случајно да пукаат во бункерот.

Саси е една од 10-те луѓе кои го преживеаја ужасниот напад криејќи се со часови под мртвите тела, според пораките што таа ги праќала на пријателка и ги споделила со репортерката на i24news Наташа Ракел Кирчук Гутман на Инстаграм.

Ужасното видео покажува луѓе набиени во тесно место, а некои се кријат под телата на убиените.

Во пораките, Саси и кажува на својата пријателка дека меѓу 30 и 35 луѓе влегле во засолништето за бомби, но кога била спасена седум часа подоцна, само десет луѓе го напуштиле бункерот живи.

„Не се шегувам“, додала таа и испратила фотографија на која изгледа дека се неколку тела наредени едно врз друго.

„Арапите го нападнаа фестивалот и почнаа да пукаат и да фрлаат гранати во засолништето кое немаше врата“, напиша таа. Таа додаде дека се траело седум часа, континуирано.

Во пораките Саси наведува дека контактирала со нејзините роднини во Израел кои испратиле поранешни војници да ја спасат неа и другите. Се испостави, додаде таа, дека меѓу нив била и ќерката на еден од поранешните војници кој дошол да ги спаси.

„Имавме толку среќа. Тоа беше чудо“, рече таа за спасувањето.

Би можело да ве интересира

ВИДЕО: Хамас бара крај на војната, Израел повторно се заканува со „отворање на пеколот“

Ганц повикува на координиран напад врз иранските нуклеарни постројки

Израелските доселеници упаднаа во комплексот на џамијата Ал Акса

Илјадници Палестинци се собраа во Газа: „Згрешивме што молчевме“

Трамп го отфрли планот за напад на иранските нуклеарни постројки

Горан Наумовски

350 израелски писатели повикуваат на прекин на војната во Газа: „Делата не се направени во наше име“