Кинеската полиција уапси маж кој со својот автомобил влетал во пешаци во Гуангжу, убивајќи пет, а ранил 13. Инцидентот предизвика бес кај пошироката јавност, а многумина го обвинуваат дека намерно удирал луѓе со своето возило.
Полицијата го приведе 22-годишниот возач на автомобил и поведе истрага. Несреќата се случила вчера за време на вечерниот шпиц на фреквентна раскрсница во јужниот кинески град со 19 милиони жители. Ова не е прв ваков инцидент што се случил во Кина, пишува Би-Би-Си.
Во февруари 2022 година, возач на мини-камион прегази луѓе во јужната провинција Фуџијан, убивајќи тројца, а повредија девет. На почетокот на неделава, гостин на хотел во Шангај намерно удрил со својот автомобил во лобито на хотелот по расправија со персоналот. Во инцидентот нема повредени.