Рускиот академик Сергеј Комков го предложил чешкиот претседател Милош Земан како кандидат за Нобеловата награда за мир, јавија чешките медиуми.
Според Комков, како што пренесе дописникот на МИА од Прага, Земан ја заслужува оваа награда за балансиран пристап кон украинската криза, Комков, кој е и претседател на Рускиот фонд за едукација, смета дека Земан треба во 2015 година да ја добие Нобеловата награда за мир, поради неговата разумна и избалансирана политика во врска со настаните на Украина.
Комков е еден од иницијаторите за доделување на овогодинешната Нобелова награда на рускиот претседател Владимир Путин.