Мигрантите, кои речиси две недели беа принудени да останат на бродот кој ги спаси, недалеку од брегот на Либија, денеска се истоварија на Сицилија.
Бродот „Си воч 3“ на германска хуманитарна група е закотвен во Катанија и од него излегоа 47 лица, вклучувајќи и 15 деца, кои хуманитарните работници ги спасија на 19 јануари.
Мигрантите потоа се качија во автобуси, кои ги превезоа до засолништа од каде што ќе можат да аплицираат за азил.
Вторпат во текот на месецот „Си воч 3“ беше принудена да помине неколку дена на море додека земјите на Европската унија разговараа за тоа кој ќе ги прими мигрантите.