Миграцијата од Источна Европа рекордно го зголеми населението на Германија

Од:

Населението на Германија минатата година достигна рекордни 83 милиони жители, во голема мера поради мигрантите од кои повеќето доаѓаат од Источна Европа, покажаа статистички податоци објавени денеска.

Нето-миграцијата во 2018 година се намали на околу 400.000 од 416.000 во претходната година, соопшти Федералната служба за статистика. Од земјите на Европската унија дошле 202.000 луѓе. Во оваа група на нето-миграција најмногу има од Романија (68.000), Хрватска (29.000), Бугарија (27.000) и Полска (20.000).

Рекордно високата вработеност и намалената невработеност доведоа до затегнување на пазарот на трудот во најголемата економија во Европа, па на работодавачите им е тешко да создадат повеќе од еден милион позиции, а тешкотиите поврзани со работниот пазар го ограничуваат и општиот економски раст, коментираат локалните медиуми.

Стареењето на населението и нискиот наталитет значат дека работната сила во Германија најверојатно ќе се намали во следните децении, па мигрантите се сметаат за многу важни со цел да им се помогне на фирмите да најдат работници чии пензиски придонеси го помагаат растечкиот број пензионери.

Во Германија минатата година дошле помалку бегалци од земјите каде што се водат војни. Вкупната миграција од Сирија во 2018 паднала на 34.000 од 60.000 претходната година, а мигрантите од Африка се намалени за илјада, од 35 на 34 илјади луѓе.

Би можело да ве интересира

Ричард Гир: Матео Салвини е „мал Трамп”

Ана Ололовска

ВИДЕО: Мигрантите не сакаат повеќе да чекаат, скокнаа во морето и запливаа кон Италија

Германски суд го одби барањето на девојче да пее во машки хор

Меркел бара средба со Џонсон заради Брегзит

Словенечката полиција предупредува на нагол пораст на илегалните преминувања

Германија: Кина има одговорна улога да ги почитува законите на Хонгконг