Германскиот канцелар Ангела Меркел изјави денеска пред германските пратеници дека потенцијалната корист од миграцискиот бран е многу поголема од можните ризици.
– Можностите се многу поголеми од ризиците, едноставно треба да признаеме дека е така и да ги искористиме, рече Меркел.
Таа говореше во Парламентот кусо откако лидерите на земјите од Европската унија во Брисел се договорија какви мерки да преземат за да се справат со миграциската криза.
Канцеларот изјави дека во ЕУ се уште треба да се постигне согласност за системот на праведно распределување на бегалците во државите-членки.