Меркел: Германија нема да толерира антисемитски протести

Од:

Германската канцеларка Ангела Меркел предупреди дека Германија нема да толерира антисемитски протести. Изјавите на германската канцеларка доаѓаат по протестите пред синагоги, во кои демонстрантите извикуваа антиеврејски пароли и палеа израелски знамиња поради ескалација на конфликтот на Блискиот Исток.

– Секој што напаѓа синагога или сквернави еврејски симболи, покажува дека не ја критикува политиката на државата или владата, туку ја поттикнува агресијата и омразата кон една религија и народот, истакна портпаролот на Меркел, Стефен Зајбер, додавајќи дека „нашата демократија нема да толерира антисемитски собири “.

Според Германија, како што нагласи Зајбер, „истрелувањето ракети од страна на екстремистичкиот Хамас кон Израел претставува терористички напад“.

– Станува збор за терористички напади со само една цел, а тоа е неселективно убивање на луѓе и ширење страв, истакна портпаролот на Меркел, осврнувајќи се на ракетирањата на Хамас и додавајќи дека „Израел има право на легитимна одбрана од тие напади“.

Централниот сојуз на Евреите во Германија во средата побара подобра заштита на еврејските институции во земјата по палењето на израелските знамиња пред две синагоги.

Собири за поддршка на Палестинците се предвидени да се одржат утре во Берлин.

Би можело да ве интересира

Блинкен ја прогласи Германија за „најдобар пријател на САД“

Жарко Настоски

Меркел бара цела Европа да ја изолира Британија поради индискиот сој на коронавирусот

Жарко Настоски

Блинкен во прва посета на Германија

Ана Ололовска

Меркел побара УЕФА „да се однесува одговорно“ со плановите за финале на ЕУРО2020 во Лондон

Жарко Настоски

По цел еден век, германската армија вработи рабин како верски советник

Жарко Настоски

Бундесбанк: Германците во текот на пандемијата повеќе користеа готовина

Ана Ололовска