Германската канцеларка Ангела Меркел оцени денеска дека е срамота што меѓународната заедница не е во состојба да го олесни страдањето во сирискиот град Алепо, кој е под опсада.
– Алепо е срам. Срамота е што не успеавме да воспоставиме хуманитарен коридор, но мораме да продолжиме да се бориме за тоа, истакна Меркел при обраќањето кон нејзините сопартијци.
Русија и Кина вчера ставија вето на резолуцијата на Советот за безбедност на ОН, со која би се побарало седумдневно примирје во сирискиот град Алепо, при што Русија тврди дека со тоа на бунтовниците би им се овозможило да се прегрупираат и дека е потребно време за разговори меѓу Вашингтон и Москва.