Италијанската премиерка Џорџа Мелони денеска изјави дека царините за ЕУ кои денеска ги објави американскиот претседател Доналд Трамп се грешка, но дека, како што наведе, тие не се катастрофални.
Мелони изјави за италијанската државна телевизија РАИ дека влијанието на американските тарифи не треба да се прецени и дека одговорот на нив треба внимателно да се разгледа, пренесе Ројтерс.
„Не смееме да предизвикаме тревога, тоа не е катастрофа“, рече Мелони, наведувајќи дека не е убедена дека најдобриот начин да се одговори на американските царини е воведување реципрочни царини.
Американската администрација објави дека основната тарифа од 10 отсто за целиот увоз во САД ќе стапи на сила од 5 април, по што ќе следат реципрочни царини за приближно 60 земји и територии кои Белата куќа ги нарече „најлоши престапници“ од 9 април.