Заменик-претседателот на Рускиот совет за безбедност, Дмитриј Медведев, се запраша јавно дали Европа конечно го разбрала значењето на слоганот „Да ја направиме Америка повторно голема“.
– Да ја направиме Америка повторно голема (MAGA) = Да ја направиме Данска повторно мала (MDSA) = Да ја направиме Европа повторно сиромашна (MEPA). Дали конечно ја разбравте оваа идеја, кретени?, напиша Медведев на социјалната мрежа X.
Претседателот на САД, Доналд Трамп, во саботата објави дека во февруари ќе воведе царини од 10 проценти за Данска, Норвешка, Шведска, Франција, Германија, Обединетото Кралство, Холандија и Финска, кои потоа ќе се зголемат на 25 проценти и ќе останат во сила додека не се постигне договор за купување на Гренланд од страна на Соединетите Американски Држави.