Евентуалното воведување антируски санкции по победата на Демократите на изборите за Конгресот би било штетно за самите Соединети Држави, изјави Дмитриј Медведев, заменик-претседател на Советот за безбедност на Русија.
Анализирајќи ги резултатите од изборите во САД одржани на 3 ноември – на кои Демократите остварија убедлива победа, преземајќи ја контролата и врз Сенатот и врз Претставничкиот дом – Медведев на платформата „Макс“ (Max) изнесе претпоставка дека воведувањето „пеколни санкции“ би можело да биде дел од договор во кој Демократите би се согласиле да се откажат од постапката за отповикување (импичмент) против републиканскиот претседател Доналд Трамп, пренесува ТАСС.
„Ова ќе предизвика нов скок на цените на нафтата и револт на бензинските пумпи низ САД. Понатаму, тоа целосно би ги уништило односите со Кремљ“, рече Медведев.
