Неколку илјади Палестинци бегаат од северниот дел на Појасот Газа, откако израелската војска од авион исфрли летоци со повик за евакуација, поради безбедносни причини.
Како што пренесуваат агенциите забележана е евакуација од местото Беит Лахија кај Газа, од каде што жителите заминуваат со автомобили и пеш, носејќи ги со себе само неопходните работи. -Минатата ноќ бомбардирањето беше постојано, поради што никој не можеше да заспие- вели еден граѓанин.
Израелското военовоздухопловство со летоци го информира населението да се евакуира, што укажува на нови напади по кратката копнена интервенција.
-Израелската војска има намера да ја нападне инфраструктурата на терористите. Операцијата ќе биде ограничена со време. Оние кои нема да ги почитуваат инструкциите ќе бидат во смртна опасност- предупредуваат од војската.
Е. Г.