Тројца малолетници се осомничени за разбојнички напад и нанесување тешки телесни повреди на тројца пензионери во сараевската населба Алипашино Поле, а мажот кој почина како последица на повредите имаше 80 години.
Насилниците со шише удриле по глава и тешко повредиле еден од тројцата пензионери, пренесува „Аваз“.
Како што соопшти Обвинителството на кантонот Сараево, на тројца малолетници им е одреден едномесечен притвор.
Во сабота на 17 јуни во 1.15 часот уапсени се малолетните Ч.А.(15) и Ч.Н.(14), кои се осомничени за разбојништво во обид, кражба и нанесување тешка телесна повреда, додека уапсен Ц.М.(17) е осомничен за разбојништво.
Исто така, тие нападнале и повозрасна жена од Добриња која не сакала да го пријави случајот во полиција.